Na capital a choiva respetou á comitiva real que, sobre as seis da tarde, percorreu as rúas: Loureiro Crespo, Benito Corbal, Praza da Peregrina, Michelena e Praza de España até a Alameda.

A Cabalgata de Caldas de Reis tivo sorprendentes animacións, novo percorrido e tamén subiu aos nenos ás espectaculares carrozas para axudar no seu labor ás súas Maxestades de Oriente.

Aínda que en Poio está previsto o desfile para mañá luns, este domingo Melchor, Gaspar e Baltasar percorreron as distintas parroquias en coche cargaditos de agasallos e tiveron unha recepción na carpa Poio Máxico da Seca.

En Soutomaior os Reis tiveron que convencer ao alcalde de que non chovería durante o desfile, e así foi. De modo que a Cabalgata saíu como estaba previsto ao seis da tarde do Cruce de Pierres e rematou na carpa de Talo Río.

Aínda que Marín non tivo Cabalgata, os Magos de Oriente pasaron boa parte do día na vila cos nenos nunha recepción organizada no Concello.

Foi unha das novidades deste ano. A recepción oficial ás súas Maxestades de Oriente, Melchor, Gaspar e Baltasar foi na Casa do Concello. 

O alcalde de Pontevedra, Miguel Anxo Fernández Lores, recibiu aos Reis Magos na reformada sede municipal da Praza de España. 

A pesar do temporal de vento e choiva, ata o nobre edificio acudiron numerosos nenos para ver aos Reis.